Mbahet takimi i radhës i Grupit Punes mbi politikat e Shkencës së Aplikuar organuzuar nga HERAS Plus dhe MASH-it
10 Dhjetor 2020
Të mërkurën u mbajt takimi i Grupit Punues (GP), mbi politikat e Shkencës së Aplikuar (AS), i cili u organizua në bashkëpunim të ngushtë midis Ministrisë së Arsimit dhe Shkencës (MAS) & HERAS Plus, ku mori pjesë edhe prof. ass. dr. Shemsi Morina, Prorektor për Mësimdhënie, Çështje të Studentëve dhe Kërkime Shkencore në Universitetin "Ukshin Hoti" në Prizren. Drejtuesi i projektit të HERAS, z. Aqim Emurli , e falendëroi ministrin e arsimit z. Ramë Likajn për ndarjen e vizionit të tij në lidhje me zhvillimin e politikave AS në Kosovë, i cili gjithashtu inkurajoi anëtarët e GP-së që të vazhdojnë me punën e tyre dhe të përdorin mbështetjen e HERAS Plus, bazuar në përvojën austriake. Eksperti kryesor ndërkombëtar i projektit të AS-së, z. Almir Kovacevic iu drejtua audiencës përmes platformës në internet dhe ofroi një përmbledhje të praktikave më të mira të AS-së në Austri, duke përfshirë një udhëzues të procesit për hartimin e politikave të AS-së. Drejtuesi i projektit, z. Aqim Emurli prezantoi 'modus-operandi' të HERAS Plus i cili do të ofrojë mbështetje të përgjithshme drejt hartimit të kornizës rregullative në fushën e AS-së. Për më tepër, anëtarët ranë dakord që AS-ja do të rregullohet në një mënyrë sistematike duke pasur një politikë të shëndoshë, standarde të rregulluara të akreditimit për AS-në, dhe ngritjen e duhur organizative të IAL-së publike për të zbatuar ato politika. Si hap tjetër, projekti HERAS Plus së bashku me anëtarët zhvillojnë një hartë rrugore në AS, me disa opsione që do t'i paraqiten MASH-tit për shqyrtim dhe miratim. HERAS Plus financohet nga Agjencia Austriake e Zhvillimit dhe bashkëfinancohet nga Ministria e Arsimit dhe Shkencës - MASH, dhe implementohet nga konsorciumi WUS Austria, Zentrum für Soziale Innovation - ZSI dhe OeAD.
