THIRRJE PËR KONKURS
14 Maj 2015
THIRRJE PËR KONKURS
FOTOGRAFIE PËR TË PROMOVUAR VENDET E
TRASHËGIMISË KULTURORE NË KOSOVË
Nëse jeni student i vitit të fundit të Programit Master në Trashëgimi Kulturore dhe Menaxhim të Turizmit në Universitetin e Prizrenit dhe ju intereson trashëgimia kulturore dhe fotografia, aplikoni për të marrë pjesë në foto konkursin tonë, i cili synon promovimin dhe mbrojtjen e trashëgimisë kulturore dhe fetare në Kosovë. Me ndihmën e menaxhmentit të Fakultetit, 5 studentë do të përzgjidhen dhe do të ftohen që të:
1. Vizitojnë vende të trashëgimisë kulturore në mbarë Kosovën për një seancë njëditore fotografimi dhe mësojnë rreth këtyre vendeve.
2. Dorëzojnë pesë fotografi për konkurs. Tridhjetë (30) fotografitë më të mira do të përzgjidhen nga komisioni i përbërë nga përfaqësues të Misionit të OSBE-së në Kosovë dhe Ministrisë së Kulturës, Rinisë dhe Sportit.
3. Marrin pjesë në foto ekspozitat e lëvizshme të cilat do të mbahen nëpër Kosovë ku 30 fotografitë e përzgjedhura do të ekspozohen dhe do të jenë në dispozicion për blerje.
