KONSTITUOHET KËSHILLI DREJTUES I UNIVERSITETIT “UKSHIN HOTI” NË PRIZREN
08 Korrik 2014
Mbështetur në dispozitat e Statutit të Universitetit “Ukshin Hoti” në Prizren, më 13.06.2014, është mbajtur mbledhja konstituive e Këshillit Drejtues, në bazë të dinamikës së paraparë të Zgjedhjeve të Përgjithshme në këtë universitet. Me këtë rast është zgjedhur edhe Kryesuesi dhe zv.Kryesuesi i KD-së së UPZ-së. Me votat e të gjithë anëtarëve të KD-së, Prof. Dr. Abdulla Aliu është zgjedhur Kryesues ndërsa, Dr. Sc. Bekim Gashi, zv.Kryesues. Kryesuesi i KD-së së UPZ-së, e vlerësoi shumë të rëndësishme konstituimin e organit më të lartë drejtues të universitetit, dhe theksoi se do të punoj me përkushtim në zhvillimin e këtij universiteti. Ai shtoi se në ditët në vijim do të caktohet agjenda e mbledhjes së ardhshme dhe do të kryejnë të gjitha detyrat që i takojnë Këshillit Drejtues.
Anëtarët e Këshillit Drejtues të zgjedhur nga Senati i UPZ-së: Prof. Ass. Dr. Hysni Terziu, Prof. Ass. Dr. Malush Mjaku, Prof. Ass. Dr. Shkelqim Millaku dhe Mynaver Mujo.
Anëtarët e caktuar nga MASHT: Prof. Dr. Abdulla Aliu, Prof. Dr. Abdullah Zejnullahu, Dr. Sc. Bekim Gashi.
