K O N K U R S

Mbështetur në Udhëzimin Administrativ të MASHT-it nr. 24/2012 e në bazë të Vendimit të Këshillit Drejtues të UPZ-së, të datës 23.03. 2016, Universiteti “Ukshin Hoti” në Prizren, shpall:

K O N K U R S

Për lirimin nga pagesa e semestrit për studentët e Universitetit të Prizrenit për vitin akademik 2015/2016

Të drejt lirimi nga pagesa e semestrit për vitin akademik 2015/2016 në UPZ kanë:

1. Studentët, familjet e të cilëve janë në asistencë sociale;

2. Studentët, të cilët janë invalidë të luftës (qofshin ata ushtarakë apo civilë);

3. Studentët, që kanë mbetur pa njërin prind si pasoj e luftës (gjatë periudhës 01.01.1998 -12.06.1999) dhe fëmijët e Invalidëve të UÇK-së;

4. Studentët me aftësi të kufizuara fizike;

5. Studentët e të njëjtit prind i cili ka tre (3) e me shumë studentë të rregullt në studime në Universitetet publike të Kosovës.

Të gjithë studentët duhet t’i paraqesin:

- Kërkesën për lirimin nga pagesa e semestrit dhe

- Vërtetimin e studimeve për vitin akademik 2015 - 2016

1. Studentët, familjet e të cilëve janë në asistencë sociale, i paraqesin edhe:

1. Kopjen e vërtetuar të vendimit të ndihmës sociale në Ministrinë e Punës dhe Mirëqenies Sociale ;
2. Vërtetimin e Qendrës për Punë Sociale për familjen dhe studentin ( forma shkarkohet web-faqja ose merret në QPS në Komunë);
3. Kopjen e letërnjoftimit të bartësit të ndihmës sociale;
4. Kopjen e letërnjoftimit të studentit/ës;
5. Certifikatën e lindjes së studentit/ës.

1. Studentët që janë invalid të luftës (ushtarakë apo civilë) i paraqesin edhe:

a. Kopjen e vërtetuar të vendimit të pensionit për invalid të luftës apo invalid civil të luftës nga Ministria e Punës dhe Mirëqenies Sociale ose nga komuna përkatëse;

b. Kopjen e letërnjoftimit të studentit /ës invalid.

1. Studentët që kanë mbetur pa njërin prind si pasojë e luftës dhe invalidëve të UÇK-së, i paraqesin edhe:

a. Kopjen e vërtetuar të vendimit për njohjen e statusit të familjes së dëshmorit, viktimës civile dhe invalidëve të UÇK-së, nga Ministria e Punës dhe Mirëqenies Sociale ose nga komuna përkatëse;

b. Kopjen e letërnjoftimit të bartësit të statusit të familjes së dëshmorit/viktimës civile;

c. Kopjen e letërnjoftimit të studentit/ës;

d. Certifikatën e lindjes së studentit/ës.

1. Studentët me aftësi të kufizuara fizike i paraqesin edhe:

a. Kopjen e vërtetuar të vendimit për njohjen e statusit person me aftësi të kufizuara fizike nga Ministria e Punës dhe Mirëqenies Sociale ose nga shoqatat e licencuara të personave me aftësi të kufizuara;

b. Kopjen e letërnjoftimit të studentit/ës.

1. Njëri nga tre ose më shumë student e së njëjtës familje të ngushtë që studiojnë në Universitetet publike i paraqesin:

a) Certifikatën e lindjes së studentëve;

b) Vërtetimet e të gjithë studentëve për regjistrimin në vitin akademik 2015/2016.

Dokumentet e kompletuar duhet të dorëzohen në Zyrën nr. 308

Kërkesat dhe dokumentacioni i pranuar zyrtarisht nga zyra nr. 308 i dorëzohet Komisionit për lirim në Rektoratin e Universitetit të Prizrenit.

Me rastin e paraqitjes për lirim nga pagesa e semestrit, studentët duhet t’i sjellin vetëm dokumentet origjinale.

Afati për konkurrim është prej datës 25.03.2016 e deri më 08.04.2016

Format e nevojshme për konkurrim gjenden në web-faqen e Universitetit të Prizren www.uni-prizren.com dhe në Zyrën nr. 308.

• 25/03/2016

  Kërkesë për lirim nga pagesa e semestrit për vitin akademik 2015/2016

• 25/03/2016

  Konkurs