HERAS në UPZ mbajti "Sesion informues mbi partneritetin pragmatik, grantët dhe bursat hulumtuese"
11 Maj 2017
HERAS në UPZ mbajti "Sesion informues mbi partneritetin pragmatik, grantët dhe bursat hulumtuese"
Në Universitetin “Ukshin Hoti” në Prizren, të enjten është mbajtur një takim informues mbi partneritetin pragmatik, grantët dhe bursat hulumtuese.
Prorektori për Marrëdhënie me Jashtë dhe Ngritje të Cilësisë në UPZ, Dr. Sc. Sadik Idrizi me këtë rast theksoi bashkëpunimi me HERAS është shumë i rëndësishëm për UPZ-së.
Agim Emurli, udhëheqës i grupit dhe Arbresha Meha, zyrtare e projektit dhe përfaqësuesja e MASHT informuan studentët dhe stafin e UPZ-së për mundësitë e shumta që ofron ky projekt për universitetet në Kosovë.
Në ktë takim informues u potencuan tri nivelet me anë të ndërveprimit të të cilave pritet të arrihet ndikimi, niveli politik, ai universitar dhe i kapaciteteve njerëzore.
Projekti HERAS kontribuon në mirëfunksionimin e arsimit të lartë dhe të hulumtimit në Kosovë, përmes kritereve të European Higher Education Area (EHEA) dhe European Research Area (ERA), duke pasur si objektivë afatgjatë mbështetjen e zhvillimit socio-ekonomik të vendit. Ky projekt financohet nga Agjencia Austriake për Zhvillim (ADA) me fonde të Bashkëpunimit Austriak për Zhvillim dhe Ministria e Arsimit, Shkencës dhe Teknologjisë e Kosovës.
