Ekspertët e forenzikës të policisë demostrojnë para studentëve të UPZ egzaminimin e vendit të krimit
20 Dhjetor 2017
Para studentëve dhe profesorëve të UPz në amfiteatër të madh të Fakultetit Juridik është bërë prezantimi i njohurive dhe shkathtësive të eksperteve të Forenzikës që veprojnë në kuadër të Policisë së Kosovës respektivisht Drejtorisë Regjionale të Prizrenit. Ekspertet kanë prezantuar në praktikë aplikimin e metodës së Daktiloskopisë, në zbulimin dhe ndriçimin e veprës penale, kryesit të veprës penale, fajësinë e kryesit etj, me qëllim të parandalimit, luftimit dhe ndëshkimit të veprave penale - krimit.
Vlen të theksohet se ky aktivitet organizohet me kërkesë dhe iniciativë të profesorit të UPz-së, Prof.Ass.Dr Armend Podvorica ( Profesor i Kriminalistikës; Kriminologjisë dhe Profesor i Procedurës Penale në Fakultetin Juridik ) që ka gjetur mbështetje tek udhëheqësia e fakultetit dhe e menaxhmentit të UPZ-së. Me qëllim rritjen e bashkëpunimit institucional respektivisht në mes të Fakultetit Juridik të Universitetit " Ukshin Hoti " me Policinë e Kosovës respektivisht me Drejtorin Regjionale të Prizrenit me qëllim të aftësimit, përgatitjes dhe pajisjes me njohuri praktike për ushtrimin e pavarur të profesionit të Hetuesit, Prokurorit, Gjyqtarit dhe të Avokatit. Prezent ishte edhe Drejtori i Policisë për Rajonin e Prizrenit Nexhmedin Krasniq i cili e mbajti një fjalë rasti.
Vlen të theksohet se aplikimi për këtë aktivitet është si rezultat i krijimit të hapësirave të pavarura për të vepruar në ngritjen e profesionalizmit në mësimdhënie dhe mësim nxënie nga Rektori Prof.Dr. Ramë Vataj.
Prof.Ass.Dr Armend Podvorica, e falënderoj Prorektorin Prof.Ass.Dr. Kadri Kryeziu dhe Dekanin i cili në momentet e para e ka përkrahë këtë ide duke me frymëzuar që këtë ide ta realizojna dhe në as një moment nuk është kursye për këtë qëllim.
