Universiteti “Ukshin Hoti” arrin marrëveshje bashkëpunimi me Universitetin Eötvös Loránd në Hungari
14 Shkurt 2020
Universiteti “Ukshin Hoti” në Prizren, të premten ka arritur marrëveshje bashkëpunimi me Eötvös Loránd University – Fakulteti i Shkencave Sociale, në Hungari. Marrëveshja është nënshkruar nga Rektori Prof. Asoc. Dr. Ismet Temaj dhe dekani i këtij fakulteti Asoc. Prof. Dr. Gabor Juhasz.
Marrëveshja parasheh, shkëmbimi i materialeve në hulumtime, publikimeve dhe të dhënave akademike; Hulumtime e Publikime të përbashkëta shkencore, shkëmbimin e stafit dhe programeve, organizimin e programeve të përbashkëta, etj.
Përfaqësuesit e dy institucioneve e vlerësuan lartë arritjen e kësaj marrëveshje.
Eötvös Loránd University është universiteti më i vjetër dhe më i madh në Hungari.
Rektori Temaj po qëndron në vizitë zyrtare në Hungari i shoqëruar edhe nga Drejtori për marrëdhënie me Jashtë në Universietin “Ukshin Hoti” në Prizren, z. Përparim Avdullahu.