Urimi i Rektorit Temaj për 12-vjetorin e Pavarësisë së Kosovës!
16 Shkurt 2020
Rektori i Universitetit “Ukshin Hoti” në Prizren, Prof. Asoc. Dr. Ismet Temaj, uron studentët, mësimdhënësit, stafin e administratës dhe gjithë qytetarët e Republikës së Kosovës për 12-vjetorin e shpalljes së pavarësisë.
Shpallja e Kosovës shtet i pavarur dhe sovran, është rezultat i sakrificës dhe përpjekjeve të shumë brezave dhe mbështetjes së miqve tanë ndërkombëtarë, të cilët njohën të drejtën e këtij populli për liri dhe pavarësi.
12-vjetorin e shtetit të Kosovës, Universiteti “Ukshin Hoti” e pret i mobilizuar në punë për përmbushjen e standardeve të cilësisë, të cilën sfidë besojmë fuqishëm që do ta tejkalojmë falë angazhimit dhe përkushtimit të gjithë punonjësve të universitetit dhe mbështetjes nga të gjithë ata që kontribuon në këtë proces.
Përmbushja e amanetit të atyre që ranë për këtë vend, është puna me përkushtim dhe konstruktive për ndërtimin e shtetit.
Gëzuar 12-vjetorin e Pavarësisë së Kosovës!
Prof. Asoc. Dr. Ismet Temaj – Rektor
Universiteti “Ukshin Hoti” Prizren