Universiteti “Ukshin Hoti”, ka arritur një memorandum mirëkuptimi me Parkun e Inovacionit dhe Trajnimit.
21 Shkurt 2020
Universiteti “Ukshin Hoti” në Prizren, dhe Njësia për Zbatimin e Projektit të Parkut të Inovacionit dhe Trajnimit (ITP) në Prizren njësi kjo e Shoqërisë Gjermane për Bashkëpunim Ndërkombëtar (GIZ) GmbH, të premtën kanë arritur memorandum mirëkuptimi për bashkëpunim në fushat e interesit reciprok. Marrëveshja përkatëse është nënshkruar nga Rektori Prof. Asoc. Dr. Ismet Temaj, dhe përfaqësuesi i këtij projekti, z. WAolfgang Leidig.
Projekti i ITP-së, dhe Universiteti do të angazhohen së bashku në zhvillimin dhe promovimin e sektorit arsimor dhe profesional, promovimin e investimeve në ITP-i, si dhe shërbimet përkatëse të Universitetit, duke kontribuar kështu në gjenerimin e mundësive të punësimit dhe përmirësimin e ekonomisë dhe mjedisin shoqëror në Kosovë dhe në rajon. Në këtë drejtim, Universiteti i Prizrenit do të përpiqet t'i siguroj projektit të ITP-së, ndihmë dhe shërbime kërkimore e mësimore.
Projekti i ITP-së, do të pranoj një numër studentësh të Universitetit për të përfunduar praktikën profesionale, duke iu nënshtruar disponueshmërisë së vendeve të trajnimit në park dhe do të promovoj të njëjtën gjë midis bizneseve dhe organizatave të qeramarrësve në parkun e inovacionit.
Projekti i ITP-së, shpreh gatishmërinë e tij për të ofruar lehtësira të infrastrukturës për Fakultetet e Universitetit, hapësirat e banimit (konviktet) dhe për përdorimin e mensës për studentët e Universitetit dhe studentët e shkollave verore, të gjitha këto do të specifikohen në marrëveshje të ndara.
Projekti i ITP-së, dhe Universiteti pajtohen të shkëmbejnë ekspertë me përvojat e tyre në fusha specifike, në varësi të kapaciteteve të të dyja palëve.
Projekti i ITP-së, dhe Universiteti kanë rënë dakord të krijojnë një grup pune për të zbatuar bashkëpunimin me Fakultete të ndryshme të Universitetit, veçanërisht me Fakultetin e Ekonomisë, Fakultetin e Shkencave të Jetës dhe Mjedisit dhe Fakultetin e Shkencave Kompjuterike, si dhe Shkollën Verore Ndërkombëtare, dhe Panairin e Karrierës.
Projekti i ITP-së, dhe Universiteti pajtohen të shkëmbejnë informacione dhe të bashkëpunojnë në përgatitjen e projekt-propozimeve, si dhe në zbatimin e projekteve të përbashkëta. Universiteti do të jetë në dispozicion të projektit të ITP-së me shërbime këshilluese dhe ekspertizë për bizneset, industritë, institucionet dhe organizatat e komunitetit që do të vendosen në parkun e inovacionit.
Projekti i ITP-së, dhe Universiteti kanë rënë dakord që t'i ofrojnë njëri-tjetrit përdorimin e hapësirave të palëve të tjera, mënyra e përdorimit të të cilave do të specifikohet në një marrëveshje të veçantë, sa herë që lind nevoja.
Projekti i ITP-s-së, dhe Universiteti do t'i ofrojnë njëri-tjetrit ndihmë në procesin e hartimit të planeve dhe dokumenteve strategjike.