Rektori Temaj zhvilloi takim online me drejtorin e AKA-së, z. Naim Gashi
29 Prill 2020Prof.Asoc. Dr. Ismet Temaj, Rektor në Universitetin "Ukshin Hoti" në Prizren, të mërkurën ka zhvilluar një takim online me Drejtorin e Agjencisë Kosovare për Akreditim(AKA),z. Naim Gashi dhe zyrtarin e lartë të AKA, z. Arianit Krasniqi. Në takim online ishte edhe Prorektori për Mësimdhënie, Çështje të Studentëve dhe Kërkime Shkencore, Prof. Ass. Dr. Shemsi Morina dhe bashkëpunëtorë të tjerë të Universitetit. Takimi ishte i karakterit njoftues për procesin për riakreditim institucional dhe të programeve studimore që do t'i nënshtrohemi sivjet. Rektori Temaj e falenderoi Drejtorin e AKA-së dhe të gjithë punonjësit e këtij institucioni për mbështetjen e dhënë për Universitetin që të adresojmë të gjitha kërkesat për riakreditim. Sivjet takimi me grupin e ekspertëve ndërkombëtarë në procesin për riakreditim do të zhvillohet përmes platformave online.