Në Universitetin "Ukshin Hoti" u mbajt takimi online me grupin e ekspertëve ndërkombëtar
21 Maj 2020
Në Universitetin "Ukshin Hoti" në Prizren, të mërkurën është mbajtur takimi online me grupin e ekspertëve ndërkombëtar në kuadër të procesit të riakreditimit institucional. Prezentë në takim ishin edhe zyrtarët e Agjencisë së Kosovës për Akreditim, të udhëhequr nga drejtori, Naim Gashi, si koordinator të këtij procesi. Në të gjitha grupet në bazë të agjendës janë prezantuar të arriturat e Universitetit. Rektori Prof. Asoc. Dr. Ismet Temaj me këtë rast theksoi se gjatë kësaj kohe janë shënuar shumë suksese falë punës dhe përkushtimit të gjithë punonjësve të universitetit dhe mbështetjes nga partnerët vendor dhe ndërkombëtar. Ai theksoi se presin rekomandimet e ekspertëve si reflektim mbi të arriturat e këtij universiteti, dhe falënderoi të gjithë për kontributin në këtë proces shumë të rëndësishëm për të ardhmen e universitetit.
Pjesë e këtyre takimeve, përveç menaxhmentit, ishin edhe strukturat e cilësisë, dekanët, stafit akademik, stafit të administratës, studentët, të diplomuarit dhe përfaqësuesit e biznesit.
Takimi online me grupin e ekspertëve ndërkombëtar është mbajtur për shkak të pandemisë me COVID-19.
