Urimi i Rektorit Temaj për festën e Fitër Bajramit!
24 Maj 2020Prof. Asoc. Dr. Ismet Temaj, Rektor në Universitetin "Ukshin Hoti" në Prizren, të gjithë studentëve, stafit akademik, punëtorëve të administratës dhe të gjithë qytetarëve të besimit islam ju uron Festën e Fiter Bajramit. Njëherësh pranim të agjërimit të gjithë atyre që kanë agjëruar.
Kësaj radhe, këtë festë të gjithë myslimanët do ta festojnë me distancë fizike për shkak të Pandemisë së coronaviruesit (Covid-19). Mirëpo, kjo periudhë jo e mirë që po kalon i gjithë njerëzimi, duhet të shërbejë që të jemi të unifikuar dhe solidar me të gjithë pa dallim, sepse sfidat i kemi të përbashkëta.
I lutemi Zotit që kjo festë të festohet në paqe e harmoni, shëndet e mirëqenie dhe me plot begati në të gjitha familjet tona.
Me fat Fiter Bajramin!
Prof. Asoc. Dr. Ismet Temaj - Rektor
Universitetit "Ukshin Hoti" Prizren