Konferenca ICONST 2020 (Konferenca Ndërkombëtare për Shkencat dhe Teknologjinë) dhe ICONSR 2020 (Konferenca Ndërkombëtare për Kërkimin e Shkencave Sociale)
05 Shtator 2020
Konferenca ICONST 2020 (Konferenca Ndërkombëtare për Shkencat dhe Teknologjinë) dhe ICONSR 2020 (Konferenca Ndërkombëtare për Kërkimin e Shkencave Sociale)
Konferenca ICONST 2020 (Konferenca Ndërkombëtare për Shkencat dhe Teknologjinë) dhe ICONSR 2020 (Konferenca Ndërkombëtare për Kërkimin e Shkencave Sociale), të mbështetura nga Universiteti “Süleyman Demirel” dhe nga Shoqata e Akademikëve “Kutbilge” dhe “UBAV” në Kosovë, kanë organizuar këtë ceremoni me 2 shtator 2020 në Fakultetin e Arteve dhe Shkencave (FBT-Budva.
Universiteti i Prizrenit “Ukshin Hoti” dhe gjashtë universitete të tjera morën pjesë në organizimin e Konferencës dhe poashtu ishin pjesëmarrës edhe shumë ligjërues nga Universiteti i Prizrenit me punimet e tyre shkencore.
Në hapje, Zëvendësministri i Brendshëm i Malit të Zi dhe, Anëtari i Universitetit të Novi Pazarit, Asoc. Mersad Mujevic, Dekan i FBT-së Budva, Prof. Dr. Rade Ratkovic dhe pedagogu i universitetit dhe Presidenti i Shoqatës së Akademikëve Kutbilge - Dr. Mustafa Karaboyacı mbajti fjalimin e hapjes.
Profesor i Asociuar Mersad Mujevic, në fjalimin e tij përmendi se këto organizime, të cilat janë mbajtur në vende të ndryshme të Ballkanit për tre vjet, kanë kontribuar në rritjen e arsimit dhe në cilësinë shkencore si dhe domosdoshmërinë e vazhdimësisë se ketyre organizimeve shkrencore. Në fjalën e tij, zëvendësministri falënderoi veçanërisht Universitetin “Süleyman Demirel”, Shoqatën e Akademikëve “Kutbilge” dhe të gjithë pjesëmarrësit e tjerë.
Dekani i FBT-së Budva, Prof.Dr. Rade Ratkoviç theksoi rëndësinë e organizimeve për Budvën dhe Malin e Zi dhe tha se është e rëndësishme që ato të mbahen edhe gjatë periudhës së pandemisë. Në fjalën e tij, Mustafa Karaboyacı, duke përmendur se takimet shkencore janë takime të rëndësishme ku shkencëtarët bashkohen dhe ndajnë njohuritë dhe kulturën, ai gjithashtu theksoi se edhe në kushte pandemike, detyra e shkencëtarëve është të kontribojnë vazhdimisht në shkenë.
Ceremonia e hapjes u mbajt duke marrë masat e nevojshme për shkak të pandemisë Covid-19.Pas ceremonisë së hapjes dhe shprehjes së dëshirave, të cilat gjithashtu u transmetuan në kanalin shtetëror kombëtar RTCG, ajo përfundoi, kurse prezantimet shkencore në fusha të ndryshme filluan të mbaheshin në salla të ndryshme.
Në bisedat e bëra pas konferencave, u ra dakord që konferencat të riorganizohen në të njëjtin vend vitin e ardhshëm.
