Universiteti "Ukshin Hoti" arrin marrëveshje bashkëpunimi me organizatën "Teach for Kosova"
10 Nëntor 2020Universiteti "Ukshin Hoti" në Prizren, përkatësisht Qendra për Zhvillim të Karrierës&Alumni ka nisur bashkëpunimin me organizatën "Teach for Kosova", në fushën e promovimit, përkrahjes, fuqizimit dhe avancimit të studentëve dhe të diplomuarve. Për këtë qëllim të martën u nënshkrua edhe një Marrëveshje e Mirëkuptimit ndërmjet zv.Rektori Prof. Ass. Dr. Shemsi Morina, njëherësh Prorektor për Mësimdhënie, Çështje të Studentëve dhe Kërkime Shkencore, dhe drejtorit ekzekutiv të TFK-së, z. Egzon Gashi, ku ishte prezent edhe udhëheqësi i Qendra për Zhvillim të Karrierës&Alumni në UPZ, z. Nehat Gashi, i cilë është angazhuar që kjo të realizohet.Prorektori Morina, e ka vlerësuar si një nismë të mirë bashkëpunimin me organizatën TFK dhe për mbështetjen e ofruar prej tyre për Qendrën e Zhvillimit të Karrierës, e cila është duke bërë një punë shumë të mirë për studentët e universitetit tonë.Ndërsa drejtori Gashi, bëri të ditur se bëhet fjalë për një projekt të rëndësishëm për përgatitjen e kuadrove të reja në fushën e arsimit. Sipas tij, TFK-ja do të trajnojë një grup të studentëve ekzistues apo alumni të përzgjedhur nga UPZ, në aftësi të buta, zhvillim të debateve, dhe aftësive të tjera të ngjashme së paku një herë në semestër.Në kuadër të këtij Memorandumi, TFK-ja zotohet që brenda një periudhe 2-vjeçare të përgatisë dhe organizoj së paku një sesion informues në vit për studentët e UPZ, për t'i informuar mbi thirrjen për aplikim në programin e felloëship-it. Gjithashtu parashihet të organizohet së paku një fokus-grup me studentët për të mbledhur informata mbi vështirësitë e tyre në përcaktimet për karrierë, si dhe për qëllime të organizatës në definimin e profilit të mësimdhënësit-lider ideal.Në anën tjetër, përgjegjësi e UPZ është që të ofrojë përkrahje në organizimin e sesioneve informuese për Teach For Kosova me studentë, së paku një herë në vit duke i paraprirë hapjes së thirrjes për aplikim në programin e felloëship-it.