U mbajt Panairi Nacional i Punës dhe Karrierës 2020
25 Nëntor 2020Ju informojmë se sot, më 25 nëntor 2020, u mbajt Panairi Nacional i Punës dhe Karrierës 2020, në të cilin morrën pjesë rreth 100 institucione dhe kompani pjesëmarrëse. Në mesin e tyre edhe Universiteti "Ukshin Hoti" nën përkujdesjen e Qendrës së Karrieres. Këtë vit, Panairi Virtual i Karrierës u organizua në bashkëpunim edhe me Qendren për Zhvillim të Karrierës në Universitetin e Prishtinës, kurse Panairi i Punës i projektit DIMAK- GIZ edicionin e pestë dhe së bashku erdhën në një platformë të shkëlqyer virtuale në të cilën vizitorët kanë patur mundësi të vizitojnë stendat e institucioneve e kompanive pjesëmarrëse të shpërndara në katër salla virtuale përmes ueb faqes: virtual.kosovafair.com Gjatë panairit, vizitorët kanë patur mundësi të komunikojnë virtualisht me përfaqësuesit e kompanive pjesëmarrëse dhe të marrin pjesë në sesione informuese rreth përpilimit të CV-së dhe teknikave të intervistimit; Zhvillimit të shkathtësive të buta; përgatitjes adekuate për aplikime pune, etj. Organizimin e kësaj ngjarje e kanë mbështetur partner tradicional te Universitetit të Prishtinës, si Agjencia Gjermane për Bashkëpunim Ndërkombëtare (GIZ), Ministria e Punës dhe Mirëqenies Sociale, Agjencia e Punësimit e Republikës së Kosovës si dhe partner te tjerë. Platforma do të jetë e hapur për vizitorët edhe gjatë dy javëve të ardhshme.