Këshilli Drejtues i Universitetit "Ukshin Hoti" në Prizren mbajti mbledhjen e radhës
04 Dhjetor 2020Këshilli Drejtues i Universitetit "Ukshin Hoti" në Prizren, të premtën mbajti mbledhjen e radhës. Kryesuesi i KD-së - Prof. Asoc. Dr. Naser Bajraktari, e hapi mledhjen, ku fillimisht i uroi të gjithë ata që e kanë kaluar infeksionin me coronavirues, duke uruar që si në gjithë vendin edhe në UPZ të kalojë sa më lehtë Pandemia Covid-19. Në këtë mbledhje KD kishte këtë rënd dite: Shqyrtimi dhe miratimi i rendit të ditës; Shqyrtimi dhe miratimi i procesverbalit të mbledhjes së Këshillit Drejtues, të mbajtur më 27.10.2020; Përcaktimi i vlerës së bursave sipas rekomandimit të Komisionit. Raport për përmbushjen e obligimeve ligjore, financiare dhe procedurale për stafin e anagazhuar. Raport për menaxhimin e situatës dhe zbatimin e masave parandaluese ndaj virusit Covit-19 dhe Shqyrtimi i shkresave drejtuar Këshillit Drejtues. Në emër të shtabit emergjent raportoi, Z. Përparim Avdullahu. Ai theksoi se në universitetin tonë janë respektuar të gjithë rekomandimet e IKSHP-së. Ai bëri të ditur se janë testuar punonjësit me teste serologjike, dhe se shtabi emergjent është duke e monitoruar situatën. Në mbledhje morën pjesë: Prof. Asoc. Naser Bajraktari (kryesues), Rektori Prof. Asoc. Dr. Ismet Temaj, Dr. sc. Hajrije Skrelj zv. kryesuese, Prof. Asoc. Dr. Rifat Morina, Dr. Sc. Kushtrim Gashi, Prof. Ass. Dr. Rifat Hoxha, Prof. Asoc. Dr. Drita Krasniqi, Prof. Ass. Dr. Ylli Kortoçi, z. Burim Berisha-Sekretar i Përgjithshëm, z. Përparim Avdullahu, Kryetar i Sindikatës, Anëtar i Shtabit Emergjent, Udhëheqësi Divizionit për Marrëdhënie me Jasht dhe këshilltar i rektorit, Milot Krasniqi-Kryetari i Parlamentit Studentor dhe Abdullah Etemi, zyrtar ligjor në KD.