Rektori Temaj priti në takim një delegacion nga Ambasada e Francës
09 Dhjetor 2020
Universitetin “Ukshin Hoti” në Prizren, të martën e ka vizituar një delegacion nga Ambasada e Francës në Kosovë, në përbërje të z.Cyprien Francois, Zëvendës shef i misionit, dhe Donato Guiliani, Këshilltar për Bashkëpunim dhe Veprimtari Kulturore. Ata u pritën nga Rektori Prof. asoc. dr. Ismet Temaj, Prorektori për Bashkëpunim Ndërkombëtar dhe Ngritje të Cilësisë, Prof. ass. dr. Soner Yildirim dhe z. Përparim Avdullahu, Drejtor i Zyrës për Marrëdhënie me Jashtë.
Takimi u zhvillua në atmosferë miqësore. Rektori Temaj pasi bëri një përshkrim të shkurtër të Universitetit, i njoftoi me të arriturat dhe sfidat me të cilat ballafaqohet ky institucion. Ai po ashtu theksoi se deri më tani kemi pasur bashkëpunim të frytshëm me shtetin mik të Francës, dhe shpreson dhe beson që ky bashkëpunim do të vazhdojë me intensitet edhe më të lartë.
z. Francois, Zëvendës shef i misionit theksoi se ata janë të hapur dhe e mirëpresin zgjerimin e bashkëpunimit në aktivitete të përbashkëta arsimore dhe kulturore.
Ndërsa z. Guliani, Këshilltar për Bashkëpunim dhe Veprimtari Kulturore foli për mundësinë e organizimit të aktiviteteve konkrete të përbashkëta në fushën edukimit dhe kulturës gjatë muajve mars dhe prill ndërmjet Ambasadës Franceze dhe Universitetit të Prizrenit
Në takim u diskutua edhe mundësia epërkrahjes së studentëve që dëshirojnë të studiojnë nëFrancë, shkëmbimin e stafit, etj...