Ekonomisti dhe biznesmeni nga Turqia me prejardhje nga Kosova, Hayri Içli Kelmendi, mbajti ligjëratë në UPZ

Në Universitetin “Ukshin Hoti” në Prizren, të hënën ka mbajtur ligjëratë me temë "Investimet e huaja në Kosovë dhe nevoja e një tregu të përbashkët shqiptarë", ekonomisti dhe biznesmeni nga Turqia,  Hayri Içli Kelmendi, i cili është me prejardhje nga Kosova. Fillimisht ai u takua me Prof. Dr. Ramë Vataj, Rektor në Universitetin “Ukshin Hoti” në Prizren, i cili e falënderoi atë për vizitën dhe për gatishmërinë për të mbajtur këtë ligjëratë para studentëve të UPZ-së. Ata shprehën gatishmëri që bashkëpunimi në këtë kuadër të vazhdoj edhe në të ardhmen.

Ligjërata e ekonomistit dhe biznesmenit të suksesshëm nga Turqia nxiti kureshtjen e studentëve të drejtësisë dhe të ekonomisë në UPZ. Në ligjëratën e tij, ai theksoi se cilat janë parakushtet nga investitorët që kërkojnë të plotësohen nga vendi ku mund të investohet, duke theksuar ndër të tjera, duke filluar nga shteti demokratik ku mbizotëron drejtësia, pastaj ekonomia liberale, barazia e plotë e ndërmarrjeve të huaja me ato vendore, ekzistimi i një vizioni, strategjie dhe plani të qëndrueshëm për zhvillim  shoqëroro ekonomik të vendit.