Seminarin rajonal për ngritjen e kapaciteteve me qëllim të ndarjes së ekspertizës dhe përvojës në përdorimin e mjeteve audiovizuale dhe filmit dokumentar në mësimdhënie

DokuFest fton profesorët e Universitetit të Prizrenit, departamenti i Edukimit dhe Filologjikut për të marrë pjesë në: “Seminarin rajonal për ngritjen e kapaciteteve me qëllim të ndarjes së ekspertizës dhe përvojës në përdorimin e mjeteve audiovizuale dhe filmit dokumentar në mësimdhënie”

Trajnimi do të mbahet me 23 dhe 24 prill 2018 në Amfiteatrin e Fakultetit të Edukimit, me fillim në ora 10:00.

RRETH PROJEKTIT Projekti "Prezantimi i qasjeve të reja në edukimin shoqëror II" synon të promovojë çasje inovative për të nxitur vlerat demokratike dhe për të rritur ndërgjegjësimin për të drejtat e njeriut në mesin e të rinjve përmes përdorimit të filmit dokumentar si një mjet edukimi në Kosovë. Nëpërmjet promovimit në nivel universitar, projekti do të sigurojë ndërtimin e kapaciteteve të nevojshme për të krijuar një kurs të ri mësimdhënie për studentët e ardhshëm. DokuFest do të ndërtojë ura komunikimi me universitetet për të arritur qëndrueshmërinë e veprimit dhe përfundimisht të integrojë këtë çasje inovative në programin e rregullt të disa prej këtyre universiteteve. Dimensioni rajonal, si vlerë e shtuar këtij projekti, do të forcohet nga trajnimet për ngritje të kapaciteteve dhe rrjetëzimeve që do të krijohen në këto vende dhe që përfshijnë studentë universitar, mësues, profesorë dhe ekspertë nga Kosova, Republika Çeke dhe Serbia.