Konkurs për studimet Master
07 Tetor 2014
Senati i Universitetit të Prizrenit ”Ukshin Hoti”, në mbledhjen e mbajtur më 03.09.2014 mori Vendim për shpalljen e
KONKURSIT
Për regjistrimin e studentëve në vitin e parë të studimeve pasdiplomike - master për vitin akademik 2014-2015
Universiteti i Prizrenit “Ukshin Hoti”, për studimet pasdiplomike - Master, për vitin akademik 2014 - 2015 do të regjistrojë 180 student në këto Fakultete ;
- 1. Në Fakultetin Ekonomik, në drejtimin Administrim Biznesi - 60 studentë
- 2. Në Fakultetin Ekonomik, në drejtimin Kontabilitet dhe Auditim - 60 studentë
- 3. Në Fakultetin e Shkëncave Kompjuterike në drejtimin: Shkenca Kompjuterike dhe Teknologji Komunikimi - 60 studentë
KUSHTET E PËRBASHKËTA TË KONKURSIT
Në studimet pasdiplomike - Master do të pranohen kandidatët të cilët i kanë përfunduar studimet Bachelor apo ato para hyrjes në fuqi të Deklaratës së Bolonjës në fakultetet përkatëse të Universitetit Publik të Prizrenit “Ukshin Hoti” apo të Universiteteve tjera, e që kanë kanë arritur notën mesatare 7.50 e më lart. Përzgjedhja e këtyre kandidatëve bëhet sipas ranglistës prioritare të notës mesatare të arritur gjatë studimeve.
Në rast kur numri i kandidatëve është më i vogël se numri i paraparë me konkurs, atëherë mund të pranohen edhe kandidatë me notë mesatare më të ulët se 7.50, por ata do t’i nënshtrohen provimit pranues të përgatitur nga Komisioni i Studimeve i njësisë akademike.
AFATET KONKURSIT
Për regjistrimin e studentëve në vitin e parë të studimeve oraret do të jenë si në vijim:
Paraqitja e dokumenteve zgjatë prej datës 07.10.2014 deri më 15.10.2014 deri në ora 16.00 (dokumentet do të pranohen vetëm ditëve të punës). Me rastin e paraqitjes, kandidatët duhet t’i sjellin këto dokumente:
- Fletëparaqitja e plotësuar e cila shkarkohet gjatë aplikimit online nga interneti: Vegza (Linku) për aplikim Online përmes Internetit është: http://notimipz.uni-pr.edu/aplikimionlinemaster.aspx
- Çertifikatën e datëlindjes me numër personal
- Diplomën-certifikatën e kryerjes së fakultetit
- Pasqyrën e provimeve të dhëna me notë mesatare për studentet nga Universitetet tjerë.
- Njohja e gjuhës angleze është përparësi.
Kandidatët me rastin e paraqitjes paguajnë 2.5 euro(fletëpagesa shkarkohet nga interneti me rastin e aplikimit)
Provimi pranues do të mbahet më 17.10.2014 nga ora 9:00
Shpallja e rezultateve të provimit pranues bëhet më date 20.10.2014
Kandidatët të cilët nuk janë pranuar në vitin e parë të studimeve master mund të ankohen kundër vendimit brenda tri (3) ditëve të punës pas shpalljes së rezultateve.
