KONKURS

Mbështetur në dispozitat e nenit 100 të Statutit të Universitetit të Prizrenit “Ukshin Hoti”, nr.04 – V – 621, të datës 30 maj 2013,

UNIVERSITETI I PRIZRENIT “UKSHIN HOTI”

shpall

KONKURSIN

Për regjistrimin e studentëve në vitin e parë të studimeve Master Shkencorë, “TRASHËGIMI KULTURORE DHE MENAXHIM NË TURIZËM” në vitin akademik  2014 - 2015

Në këtë nivel të studimeve do  të regjistrohen 25 studentë.

KUSHTET E  KONKURSIT

Kandidatët të cilët dëshirojnë të aplikojnë në këtë program studimesh, duhet të kenë të përfunduar studimet e nivelit themelor në njërin nga këto drejtime:

• Turizëm dhe Trashëgimi Kulturore;
• Arkitekturë;
• Antropologji;
• Histori;
• Arkeologji;
• Gjeografi;
• Administrim Publik  dhe
• Administrim Biznesi.

Kandidatët e interesuar duhet të kenë  notën mesatare së paku 8.00 dhe  180 (ECTS), nga studimet themelore të përfunduara në Universitetet Publike).

Njohja e mirë e gjuhës angleze është përparësi.

Përzgjedhja e kandidatëve të suksesshëm  deri në numrin e përcaktuar sipas këtij konkursi, bëhet sipas ranglistës prioritare të ranguar nga maksimumi i vlerësimit të komisionit intervistues dhe  të notës mesatare të arritur gjatë studimeve themelore.

Testimi i njohurive të kandidatëve organizohet në lokalet e Universitetit të Prizrenit dhe mbahet më datë 22.10.2014 duke filluar nga ora 10.00

Kandidatët e pasuksesshëm mund të ankohen kundër  vendimit të komisionit, brenda dy ditëve të punës nga dita e shpalljes së rezultateve.

Vendimi përfundimtar rreth ankesave të parashtruara, merret nga Komisioni për ankesa i emëruar nga Rektori i Universitetit të Prizrenit.

AFATET PËR PARAQITJE

Afati për paraqitje të dokumenteve është prej datës 07.10.2014  deri  më 17.10.2014 në ora 15,30.

Kandidatët e interesuar duhet t’i sjellin këto dokumente  të vërtetuara nga noteria publike:

1. Formulari i aplikimt dhe fletëpagesa  plotësohet në adresën uni- prizren.com;

2. Certifikatën e lindjes me numër personal;

3. Diplomën ose certifikatën e kryerjes së fakultetit;

4. Certifikatën e notave (për të gjitha provimet) me notë mesatare.

Kandidatët të cilët studimet themelore i kanë përfunduar jashtë vendit, diplomën duhet ta kenë të nostrifikuar nga MASHT.

Dokumentacioni për aplikim dorëzohet në UPZ në Zyrën nr. 306

Kandidatët me rastin e paraqitjes paguajnë 10 euro.

Shpallja e rezultateve të testimit të njohurive të kandidatëve bëhet më datë 27.10.2014

Regjistrimi i studentëve të pranuar bëhet në Administratën e Universitetit të Prizrenit, me datë  28.10. 2014 dhe  31.10.2014 nga ora 9.00

Kandidatët e pranuar për regjistrim paraqesin:

• Fletëregjistrimin e plotësuar (i cili merret në Administratën e Universitetit të Prizrenit);
• Dy fotografi të formatit 6x4 cm.;
• Fletëpagesën në 4 kopje, në shumën prej 150.00 për një semestër, e cila merret në UPZ, Zyrja nr. 21.

Pagesa bëhet në njërën prej bankave komerciale të Kosovës .

Për informata të tjera të nevojshme, kandidatët mund t`i drejtohen UPZ-së  ose ta hapin faqen e internetit  www.uni-prizren.com.