Konkurs për ndarjen e bursave universitare për vitin akademik 2014-2015

Këshilli Drejtues në mbledhjen e mbajtur më datën 15.04.2015, mori vendim që të shpall:

K O N K U R S

Për ndarjen e bursave universitare për vitin akademik 2014/2015

I

Bursa universitare ndahen për studentët e studimeve themelore (bachelor). Për fitimin e bursës universitare studentët duhet t’i plotësojnë këto kushte:

a) Të jenë studentë të rregullt të fakulteteve të Universitetit të Prizrenit;

b) Të jenë studentë të vitit të dytë, të tretë dhe katërt të cilët nuk kanë humbur asnjë vit akademik;

c) Të kenë notë mesatare të studimeve më së paku 9.00 (nëntë pikë zero) e mbi.

d) T’i kenë dhënë të gjitha provimet e vitit paraprak përkatës të studimeve në afatin e shtatorit;

e) Lartësia e pagesës së bursës do të përcaktohet me vendim të veçantë të Këshillit Drejtues

II

Studentët të cilët i plotësojnë kushtet nga pika një (I) e këtij konkursi duhet t’i paraqesin këto dokumente:

1. Certifikatën e vitit të regjistruar akademik 2014/2015, duke e cekur:

a) se është student i vitit të dytë,të tretë apo të katërt;

b) se i ka dhënë të gjitha provimet e vitit paraprak në afatin e shtatorit,

c) notën mesatare gjatë studimeve

d) se nuk ka vit të përsëritur gjatë studimeve dhe

2. Certifikatën e provimeve të dhëna me datat e dhënies së provimeve.

3. Fletëparaqitja për aplikim dhe informatat shtesë merren në zyrën nr.308

Këshilli Drejtues i UPZ-së, do ta emërojë Komisionin për ndarjen e bursave prej 3 anëtarësh nga Universiteti i Prizrenit “ Ukshin Hoti”.

Lartësia e bursës do të caktohet varësisht nga buxheti i Universitetit të Prizrenit “ Ukshin Hoti” dhe numrit të studentëve që i plotësojnë kushtet për fitimin e bursës universitare.

Studentët bursistë do ta gëzojnë këtë të drejtë për vitin akademik 2014-2015.

Dokumentet e kompletuara paraqiten në zyrën nr. 308 Afati i paraqitjes zgjat prej datës 16.04.2015 e deri më 01.05.2015

Konkursi do të publikohet në tabelat e shpalljeve të UPZ-së, si dhe në ueb-faqen e Universitetit:

www.uni-prizren.com

Konkurs per ndarjen e bursave per Student 2014-2015

Fleteparaqitje per burse universitare