Rektori Vataj priti në takim deputeten e Kuvendit të Shqipërisë Nora Malaj dhe përfaqësuesit e UIQZ dhe KUPV në Vlorë dhe Prof. Eni Qobani
23 Mars 2018
Rektori i Universitetit “Ukshin Hoti” në Prizren, Prof. Dr. Ramë Vataj të premten ka pritur në takim një delegacion nga Universiteti “Ismail Qemali” në Vlorë, Kolegji Universitar “Pavarësia Vlorë”, deputetja e Kuvendit të Shqipërisë, Nora Malaj, e cila ka qenë për një kohë të gjatë zv.ministre e Arsimit dhe Sporteve e Shqipërisë dhe Prof. Eni Çobani. Në takim është diskutuar për mundësinë e ripërtëritjes së bashkëpunimit me UIQV, përkatësisht lidhja e bashkëpunimit me KUPV. Rektori Vataj theksoi rëndësinë e përtëritjes së bashkëpunimit me UIQV dhe me universitetet e tjera të Shqipërisë, duke rikujtuar bashkëpunimin e frytshëm të gjertanishëm.
Deputetja Malaj e falënderoi Rektorin Vataj për pritje vëllazërore dhe për gatishmërinë e shprehur për vazhdimin e bashkëpunimit me universitetet e Shqipërisë. Ajo vuri në pah kontributin e sajë në fazën e themelimit të UPZ-së, për të cilën gjë e falënderoi Rektori Vataj.
Në takim ishte edhe Dekani i Fakultetit Juridik, Prof. Dr. Arif Riza, i cili ishte katalizator i këtij takimi, po ashtu edhe Prof. Dr. Halim Bajraktari, Prof. Dr. Muharrem Faiku, Ass. PhD. Cand. Shefki Shterbani.
