UPZ arrin marrëveshje bashkëpunimi me Agjencinë Kosovare të Privatizimit për punën praktike të studentëve
17 Prill 2018
Universiteti “Ukshin Hoti” në Prizren ka lidhur marrëveshje për bashkëpunim me Agjencinë e Privatizimit të Kosovës për angazhimin e studentëve të këtij universiteti për punë praktike në AKP. Marrëveshja përkatëse është nënshkruar sot gjatë takimit që rektori i UPZ-së, Prof. Dr. Ramë Vataj ka realizuar me Drejtorin Menaxhues të AKP z. Ekrem Hajdari, së bashku me zv. Drejtoreshën Menaxhuese-shitje znj. Valbona Dibra dhe zv. Drejtorin Menaxhues-likuidim z. Avni Jashari.
Rektori Vataj e vlerësoi shumë të rëndësishëm për studentët e UPZ-së, arritjen e kësaj marrëveshje.
Me këtë rast AKP ka shfaqur përkushtimin e saj të vazhdueshëm në ngritjen e nivelit të përgjegjësisë sociale duke përkrahur avancimin e dijës praktike të komunitetit studentor. Veç kësaj, AKP vazhdon të kontribuoj në zhvillim të mëtutjeshëm të shoqërisë Kosovare dhe dëshmon rolin e saj pozitiv dhe të hapur ndaj iniciativave të reja dobiprurëse.
