Akademi Politike Shkencore për veprimtarin Ukshin Hoti në UPZ

Në Universitetin “Ukshin Hoti” në Prizren të enjten, më 16 maj 2019 është mbajtur akademi politike shkencore për veprimtarin e çështjes kombëtare Ukshin Hoti në 20 vjetorin e zhdukjes. Me këtë rast të pranishëm kanë qenë Rektori i UPZ-së, Prof. Asoc. Dr. Ismet Temaj, Kryetari i Kuvendit të Republikës së Kosovës z. Kadri Veseli, Kryeministri i Republikës së Kosovës, z. Ramush Haradinaj, Ministri i Kulturës Rinisë dhe Sportit z. Kujtim Gashi, kryetari i Komunës së Rahovecit z. Smajl Latifi, deputetë të Kuvendit të Kosovës, djali i Ukshin Hotit Andin Hoti, familjarë të tjerë të tij si dhe mysafirë të shumtë.

Ndërkaq, Kryetari i Kuvendit të Kosovës Veseli dhe Kryeministri Haradinaj u takuan ndaras me Rektorin e UPZ-së Temaj, të cilit i uruar marrjen e detyrës dhe i ofruan mbështetje të plotë në realizimin e misionit të tij për zhvillimin e universitetit të dytë publik në vend.