Në UPZ zhvilloi punimet punëtoria e përbashkët mes Gardës Kombëtare të Iowa në SHBA dhe Forcës të Sigurisë së Kosovës

Në Universitetin “Ukshin Hoti” në Prizren të enjten zhvilloi punimet një punëtori nga Garda Kombëtare e Iowa (IANG) në SHBA dhe Forcës të Sigurisë së Kosovës (FSK)

Gjatë punëtorisë ushtarët i vizitoi gjeneral major Enver Cikaçi zv.komandant i FSK dhe Gjeneral Brigade Randy E. Greenwood Shefi i Shtabit, Garda Kombëtare Ajrore e Iowa – SHBA.
Në ceremoninë e hapjes së punimeve një fjalë rasti e mbajti Rektori i Universitetit “Ukshin Hoti” në Prizren, Prof. Asoc. Dr. Ismet Temaj, i cili theksoi se është nder, privilegj dhe emocion i veçanet për mua dhe punonjësit e Universitetit “Ukshin Hoti” të jemi nikoqir i një organizimi kaq të rëndësishëm, ku mysafir janë ushtarët amerikan dhe ushtarët e Kosovës për të cilën ngjarje, ne ende kemi kujtimet e freskëta. ” Vendosja e forcave paqeruajtëse te KFOR-it dhe Misionit te Administratës së Përkohshme të Kombeve të Bashkuara në Kosovë kanë pasur rëndësi të veçantë për vendosjen dhe sigurimin e paqes dhe vendosjen e celulave të institucioneve të përkohshme vetëqeverisëse që u kurorëzua me shpalljen e pavarësisë së Kosovës më 2008. Sot shohim ushtarët amerikan dhe ushtarët e FSK-së të mbajnë trajnime së bashku, tepër domethënëse por edhe emocionuese. Përherë mirënjohës për ushtarët dhe popullin amerikan për atë çka kanë bërë dhe po bëjnë për qytetarët e Kosovë”, theksoi Rektori Temaj.
Ndërkohë Rektori i priti në takim gjeneralët Cikaqi e Greenwood dhe profesorin Mark Baskin, ish-administratori i parë i UNMIK-ut në Prizren, i cili e kryesoi këtë punëtori.
Ata e falënderuan rektorin Temaj për zemërgjerësinë e universitetit në mbështetjen e këtij partneriteti domethënës midis njerëzve të shtetit të Iowa dhe popullit të Republikës së Kosovës.
Si mirënjohje ata i dhanë Rektorit një medalje të veçantë.
Rektori Temaj u shpreh falënderues dhe i dorëzoi po ashtu një mirënjohje nga ana e UPZ për kontributin e dhënë për shtetin dhe popullin e Kosovës.
Qëllimi i punëtorisë ishte të simulojë një seancë të planifikimit strategjik për operacionet e paqes nga perspektiva e korrikut 1999 në Kosovë. Në program, një grup prej 100 pjesëmarrës - ushtarë nga FSK dhe Garda Kombëtare e Ioëa - së pari u takuan në një seancë plenare për një brifing fillestar dhe më pas u shpërndan në 10 grupe për të zhvilluar planifikimin për çështje specifike mbi sfidat me të cilat përballen paqeruajtësit në 120 ditët e para të një operacioni paqeje - nga rivendosja e shërbimeve thelbësore, kthimi i refugjatëve, të drejtat e njeriut, krimet e luftës, ndihma humanitare, administrata civile, drejtësia kalimtare dhe më shumë. Pastaj, secili grup i informojë të gjithë 100 pjesëmarrësit.
Kjo është një nga ngjarjet thelbësore akademike për vizitën e Gardës Kombëtare të Iowa dhe bashkëpunimit me Forcat e Sigurisë së Kosovës, në vjeshtë 2019.