Universiteti “Ukshin Hoti” në Prizren arrin marrëveshje bashkëpunimi me Universitetin “Aleksandër Moisiu” në Durrës
15 Nëntor 2019
Universiteti “Ukshin Hoti” në Prizren dhe Universiteti “Aleksandër Moisiu” në Durrës të premten kanë arritur marrëveshje për bashkëpunim në fushat akademike me interes të përbashkët duke u bazuar në principet e barazisë dhe reciprocitetit. Marrëveshjen përkatëse e kanë nënshkruar rektori i UPZ-së Prof. Asoc. Dr. Ismet Temaj dhe Prof. Dr. Kseanela Sotirofski rektor në UAMD.
Marrëveshja përfshinë shkëmbimin e stafit akademik dhe administrative, shkëmbimin e studentëve të cikleve të ndryshme studimi për periudha semestrale studimi ose për periudha të praktikave, aktivitete dhe publikime të përbashkëta në kërkimin shkencor, shkëmbimin e materialeve akademike si dhe informacione të tjera të nevojshme dhe programe të veçanta akademike afatshkurtra.
Pjesë e delegacionit nga UPZ ishin edhe Prof. Ass. Dr. Shemsi Morina, Prorektor për mësimdhënie, kërkime shkencore dhe çështje të studentëve dhe anëtari i Këshillit Drejtues të UPZ-së, Prof. Asoc. Dr. Rifat Morina, i cili ka dhënë kontribut të veçanet në arritjen e këtij bashkëpunimi.
