Ministri Buja uroi Vatajn për pozitën e rektorit të UPZ-së
29 Tetor 2014
Ministri i Arsimit, Shkencës dhe Teknologjisë, z. Ramë Buja ka pritur në takim rektorin e Universitetit Publik “Ukshin Hoti” në Prizren, z. Ramë Vataj.
Ministri Buja uroi rektorin Vataj për detyrën e re, si drejtues i një prej universiteteve publike në vend, ndërkaq u zotua se Universiteti “Ukshin Hoti” do të ketë mbështetjen e vazhdueshme të Ministrisë së Arsimit, në arritjen e objektivave kryesore, deri në konsolidimin e plotë të këtij institucioni.
Ndërsa, Rektori Vataj, falënderoi ministrin Buja për përkrahjen e tij dhe premtimin se do të vazhdojë që edhe më tutje ta mbështes këtë institucion, njëherësh tha se si rektor i UPZ-së, do të angazhohet maksimalisht drejt zhvillimit dhe ngritjes së cilësisë së studimeve akademike, bashkëpunimit ndërkombëtar, plotësimit të stafit akademik dhe avancimit të mëtutjeshëm të këtij institucioni.
