Rektori Vataj kërkon nga Komuna e Dragashit që të ndajë bursa për studentët e UPZ-së
20 Nëntor 2014
Prof. Dr. Ramë Vataj, të enjten ka pritur në një takim kryetarin e komunës së Dragashit, z. Salim Jonuzi me bashkëpunëtor. Në takim ishte edhe zv. Ministri i MASHT-it, z. Usmen Baldzi. Z. Jonuzi e uroi rektorin Vataj për detyrën duke i dëshiruar suksese në punë.
Rektori Vataj i falënderoi për vizitën kryetarin Jonuzaj me bashkëpunëtor. Ai kërkoi nga Komuna e Dragashit që të ndajnë bursa për studentët nga të gjitha komunitetet nga kjo komunë që studiojnë në Universitetin “Ukshin Hoti” në Prizren.
Kryetari Jonuzaj theksoi se me gjithë buxhetin e vogël që ka kjo komunë do të përpiqen që të gjejnë forma për të mbështetur studentët e kësaj komune që studiojnë në UPZ.
Prizren, më: 20.11.2014
