Dr. Sc. Bekim Gashi zgjedhet kryesues i Këshillit Drejtues të UPZ-së
02 Korrik 2015
Me votim unanim Dr. Sc. Bekim Gashi, të enjten është zgjedhur kryesues i Këshillit Drejtues të Universitetit “Ukshin Hoti” në Prizren, i cili është organi më i lartë i këtij institucioni. Ndërsa zv.kryesues është zgjedhur Prof. Dr. Abdullah Zejnullahu. Zgjedhjen e tyre e kanë përshëndetur të gjithë anëtarët e KD-së, duke ju uruar suksese në drejtim të këtij organi të rëndësishëm të UPZ-së.
Kryesuesi i deritashëm i KD-së së UPZ-së, Prof. Dr. Abdulla Aliu, me rastin e pranim dorëzimit të detyrës i falënderoi të gjithë anëtarët e KD-së dhe Rektorin, Prof. Dr. Ramë Vataj, për bashkëpunim korrekt në të mirë të institucionit. Aliu i uroj sukses në punë kryesuesit dhe zv.kryesuesit të ri të KD-së, duke ju ofruar bashkëpunim të plotë në avancimin e proceseve në të cilat gjendet UPZ. Gjithashtu edhe Rektori Vataj dhe anëtarët e tjerë të KD-së e falënderuan për punën e bërë kryesuesin e gjertanishëm dhe e uruan për detyrën e re kryesuesin Gashi, duke i dëshiruar suksese.
Kryesuesi i ri i KD-së, Dr. Sc. Bekim Gashi, pasi i falënderoi anëtarë te KD-së për besimin e dhënë për drejtimin e këtij organi të rëndësishëm, shprehi mirënjohje të sinqertë për punën e mirë që ka bërë kryesuesi i deritashëm i KD-së së UPZ-së, në proceset e rëndësishme që ka kaluar universiteti, duke e theksuar kontributin konstruktiv dhe vendimtar në rregullsinë e procesit të zgjedhje së menaxhmentit të ri.
Edhe zv.kryesuesi i KD-së, Prof. Dr. Abdullah Zejnullahu e mbajti fjalë rasti duke i falënderuar anëtarët e KD-së për besimin e dhënë. Një ashtu edhe Zejnullahu falënderoi kryesuesin e gjertanishëm, për punën e mirë që ka bërë në drejtim të KD-së së UPZ-së.
Në bazë të Statutit të Universitetit zgjedhja e Kryesuesit dhe zv.kryesueit të KD-së bëhet çdo një vit. Këshilli Drejtues është organi më i lartë qeverisës së Universitetit.
