Rektori Vataj takoi rektorin e Georgia Geinnet Collage në SHBA, Ph.D. Stanley C.
30 Tetor 2015
Prof. Dr. Ramë Vataj, Rektor në Universitetin “Ukshin Hoti” në Prizren, të premten ka vazhduar vizitën në Georgia Geinnet Collage ( GGC ) në Shtetet e Bashkuara të Amerikës, ku është takuar me presidentin e këtij universiteti, Ph.D. Stanley C. Preczewski, ku është diskutuar për bashkëpunim në mes të dy universiteteve. Rektori i GGC shprehi gatishmërinë që të filloj bashkëpunimi për të sjell edhe studentë nga UPZ për të studiuar në këtë universitet në SHBA. Rektori Vataj e falënderoi Rektorin e GGC për pritjen e organizuar dhe për vullnetin e shprehur për të bashkëpunuar me UPZ-në, e cila që do t’i kontribuoj zhvillimit të këtij universiteti dhe afirmimit ndërkombëtar.
Ndërkaq Rektori Vataj i shoqëruar edhe nga Berat Gegaj, kryetar i organizatës Kosovo HOPE, Grace -Erin Burchik , GGC , Cheryl dhe Funwi, kanë takuar edhe kryetarin e Lilburn, Johnny Crist. Kryetari i komunës ishte shumë këmbëngulës që të filloj bashkëpunimi sa më parë.
Po ashtu Rektori Vataj ka takuar edhe nxënësit kosovar që janë duke studiuar në SHBA në kuadër të programit të këmbimit “Kosovo HOPE”, ku është takuar edhe me drejtorin për Marrëdhënie Ndërkombëtare z. Funwi dhe drejtoreshën e programeve të këmbimit znj. Cheryl.
