UPZ arriti marrëveshje bashkëpunimi me Universitetin Gaziantep

Universiteti “Ukshin Hoti” në Prizren dhe Universiteti Gaziantep në Turqi të hënën kanë arritur marrëveshje për bashkëpunim në fushat akademike. Marrëveshjen përkatëse e kanë nënshkruar rektorët e të dy universiteteve, Prof. Dr. Ramë Vataj rektor i UPZ-së dhe Prof. Dr. M. Yavuz Coskun rektor i UG. Bashkë me Rektorin Vataj në Turqi po qëndron edhe Dr. Sc. Soner Yildirim, koordinator i programit në gjuhën turke në UPZ.

Rektori Vataj e falënderoi për mikpritjen Rektorin e këtij universiteti dhe e vlerësoi lartë arritjen e kësaj marrëveshje. Rektori Vataj ndërkaq ka mbajtur edhe një fjalim përshëndetës para mësuesve turk të Kosovës që po ndjekin një seminar në Turqi. I cili fillimisht është mbajtur në UPZ.  Nga ana tjetër, Rektori i Universitetit Gaziantep Prof. Dr. M. Yavuz Coskun e falënderoi rektorit Vataj për vizitën dhe u zotua se do të kujdesën për mbështetjen e UPZ-së në suaza të mundësive.